रास्वपा कैलाली–४ उम्मेदवार खेमराज कोइरालाद्वारा समान हक, सम्मान र आर्थिक समृद्धिका लागि प्रतिबद्धता
कैलाली – रास्वपा बाट कैलाली क्षेत्र नं ४ प्रतिनिधि सभा सदस्य उम्मेदवार खेमराज कोइराला ले मुलुकका सबै समुदायका हक, अधिकार, पहिचान र सम्मान सुनिश्चित गर्न आफू सधैं अग्रसर रहने प्रतिबद्धता व्यक्त गरेका छन्।
उनले भने, “यो देश सबैको साझा फूलबारी हो। विपन्न, दलित, जनजाति, आदिवासी, थारु लगायत सबैका लागि समान अवसर, सशक्त आर्थिक योजना र संवैधानिक व्यवस्थाको रक्षा गर्न म सधैं तयार रहनेछु।”
खेमराज कोइरालाले आर्थिक असमानता कम गर्न, रोजगार सिर्जना गर्न, शिक्षा र स्वास्थ्यमा पहुँच बढाउन र समावेशी विकास सुनिश्चित गर्न निरन्तर प्रयास गर्ने अठोट दोहोर्याएका छन्। उनले संविधानले सुनिश्चित गरेका अधिकारको संरक्षण, सामाजिक न्याय र समान अवसरको आधारमा सबै वर्गका लागि समृद्ध समाज निर्माण गर्नु आफूको मुख्य लक्ष्य भएको बताएका छन्।
उहाँले थपे, “समान हक, सम्मान र आर्थिक सशक्तीकरणमा मात्र हाम्रो समाज दिगो रूपान्तरण र विकासतर्फ अघि बढ्न सक्छ। मेरो अभियान यही उद्देश्यमा केन्द्रित छ।”
खेमराज कोइरालाको यो प्रतिबद्धता स्थानीय समुदायमा सकारात्मक प्रतिक्रिया पाएको छ र उहाँको अभियानले कैलाली–४ मा सबै वर्ग र समुदायको विश्वास जित्न सकेको बताइन्छ। 
यो खबर पढेर तपाईलाई कस्तो महसुस भयो
